Narsimha Leela (नरसिंह लीला) Lyrics — Narci

Narsimha Leela Narci Lyrics

[Hook]
Kaanp utha bhookhand
Ye leela hogi chand
Rakt bahane paapon ka

Ab Hari bane prachand
Ab Hari bane prachand
Ab Hari bane prachand
Ab Hari bane prachand

[Verse]
Baitha tapsya mein Hiranyakashyap
Devo ki mansa na poora ho jap
Poocha jo Brhama ne bolo kya chahte ho
Manage amarta ko uska to swar

Brhama laachar ye dene ko var
Bole ki mrityu hai aani atal
Baatein ye sun kara thoda kapat
Ghuma ke shabdon ko maange wo ab

Pashu se ne marun main to nar se maarun
Vyom mein na marun, main to thal pe na marun
Marun na main bheetar, maarun na main baahar
marun na main din mein, marun na main raat

Dev aur danav le na sake praan
Astr v shastr kare na prahaar
Brhama se paake wo to aisa vardaan
Swyam ko wo maan baitha bhagwaan

Dekho Hari ki haan leela ki shakti
Leela samjhne ko saksham na vykati
Jahan nishiddh hai Hari uchchaaran
Wahin pe jaagi hai Hari ki bhakti

Mahal mein goonja hai khushi ninaad
Kayadhu ke garv se aaya rudaad
Kaanton ki bhoomi pe khila hai phool
Hari ka pyara wo shishu Prahlad

Hari ka naam suna kahin pe goonje
Sainik pujari ki shaala mein pahunche
Bole use ye kaisa hai saahas
Raja ko chor kyun Hari ko pooje?

Laaye use Hiranyakashyap ke aage
Taav viraja hai raja ke maathe
Krodh mein bola lo raja pujari se
Main hoon vidhata kyun Hari ko gaate?

Bola pujari tu swami na janma hai
Tu to aadheen, Hari hi parma hai
Kaisa vidhata hai hetu vardaan
Maangi thi biksha tune bhi Brahma se?

Hari ki bhakti ko maine chuna
Tu chheene gharon ko, wo dete panah
Wo saanson ke daata, tu buddhi aasuri
Kaate tu sar jo ho begunaah

Vishnu ka payara ye dekhe utsaahit
Dekh nazara wo hua prabhaavit
Hari ko maana hai swyam ka swami
Bhakti se hrdy bhi hua sanchaalit

Hari ka bana wo saga aaraadhak
Bole yehi to wo Hari upaasak
Poori hi srishti ke Hari sanchaalak
Wo hi hai nirmal, wo hi bhayanak

Wo hi to vidya hai, wo hi adhyaapak
Chinta ke teri hai wo hi vichaarak
Paapon mein praani hai, wo hai uddhaarak
Saanson ke daata hai, wohi hai naashak

Dharam pataka ke wo hi to dhaarak
Wo hi rachayita hai, duniya hai natak
Karmon ke tere wo pakke hai paathak
Aage Hari ke hum saare hai yaachak

Pata laga raja ko jo bete ki bhakti ka
Hrdy bada dukha jab suna naam shatru ka
Tabhi socha baitha ise bhejunga main gurukul
Dekhe nahi mukh jahan Hari ki bhi murti ka

Seekhe hai ved, liya hai gyaan
Hari ka karta hai wo to bakhaan
Bheja tha lene ko asuri path
Par wo to karta hai Hari ka dhyaan

Aane ki ghar hui pita ko khushi
Bete ko sunne mein pita ki ruchi
Kya bolo seekha hai pita ne poocha jo
Karne wo laga fir Hari ki stuti

Hiranyakashyap hua lo krodhi
Bola ki beta hi kul ka virodhi
Kare ye vairi ki stuti anokhi
Vidhya ye kaisi bete ne sokhi?

[Prahlad]
Pitashree aap chaahe mujhse rusht ho
Kintu main stay kehta hoon ki
Mere Hari hi param satya hai

Wohi sarvatr vyaapt hai
Aur wohi hamare rakshak hai

Na jihva se Hari ka jaap ruka
Pita ko fir yehi sujha
Ki kaaragaar ki kaali deeware
Degi haan bete ki buddhi jaga

Bedi mein beta hai Hari mein gum
Raja ko jaap raha hai sun
Hari ki bhakti ne jaadu dikhaya
Lohe ki bedi bhi bani kusum

Karne ko rakhsha hai Hari tainaat
Raja na samjha hai choti si baat
Jiske hai sar khudh Hari ka hath
Dushton ke usko kya chhuenge hath

Doshon mein rangne ki karna na bhool
Hari ki leela na lena fizool
Mrityu ke hoga tu tab tab nikat
Bete se hoga tu jab bhi haan kroor

Raja ye bola uddandi ko dekho
Iski zubaan se haan jaap ko le lo
Diya Aadesh ki Hari chahete ko
Oonchi si khaai se neeche ko fenko

Maana aadesh, chale asur
Jihva na chora na jaap madhur
Fenka wo bacha khaai se neeche
Poori na hui par chaal nithur

Raja asuro ka hua hataash
Maut ki vidhi ko raha talash
Socha ki tapte tel mein daal
Kar daalo kul ke drohi ka naash

Tel na kaaya ka chhoo saka bhaag
Hoke hataash fenke hai saanp
Swyam jo aadishesh pe lete
Unke upaasak ko kya chhue naag

Balak pe chore lo unmaadi gaj
Vish bhi peene ko wo khada saj
Fir bhi na chhoo saka usko ahit
Oonchi rahi dekho Hari ki dhvaj

Lene ka praan na chora Sankalp
Raja asuron ka thaame vikal
Kuch bhi na sooja to buddhi ne bola
Behan Holik bachi vikalp

[Hook]
Ab Hari bane prachand
Ab Hari bane prachand
Ab Hari bane prachand
Ab Hari bane prachand

[Verse]
Vardaan mila tha Brhama se ye
Jalegi lapton mein bilkul na wah
Leke Prahlad chal padi wo
Rakhi chita ko badhaye hai pair

Lapton se ghiri lo sookhi chita
Maut ka khel rahi dikha
Dharm ke ulta jo gayi ye den
Phir na bachegi

Lapton se goonji hai cheekhe bhaynkar
Apne hi Jwala mein mari jhulas kar
Kshati na dikhi hai bete ke tan par
Kyunki haan seene mein Hari hai dhadkan

[Hiranyakashyap]
Kan kan mein hai Hari?
To is stambh ke bheetar bhi hoga?
To bula le apne Hari ko aur bol
Ki tere praan bachaaye

[Hook]
Ab Hari bane prachand
Ab Hari bane prachand
Ab Hari bane prachand
Ab Hari bane prachand

[Verse]
Sab hi mein darr, dabe hai swar
Bada hai dhad, krodhi nazar
Chale nidar to kaanpe adhar
Ruk jaate praan wo dekhe agar

Leela ajar, leela amar
Rakhe kadam, kaanpe dagar
Dhara pe Hari ka punah asar
Aadhe hai singh, aadhe hai nar

Sabha bana daali ran ka maidaan
Bane bhayankar hai kripa Nidhaan
Dekho vidhaata ka saare vidhaan
Faadenge kaise ye nirday haivaan

Chala hai yudh, Hari hai ugr
Bade hai rusht, marega dusht
Leela atulya, aankhein hai rudra
Kaal padhara hai lene ko murkh

Panje se paapi ghaseete Hari
Dharm ke panje nukeele sabhi
Bhuja pe usko utha ke dahaade
Kaanpe hryd hue peeche sabhi

God pe Hari ne dhara hai dhad
Pooche adharmi ko Narsimha swar
Karle haan yaad antim samay mein
Brahma se maanga tha tune kya var

Dekh teri deh neeche nahi hai zameen
Dekh tere aas paas nahi koi megh
Dekh na hi din hai ye, na hi kaal raat
Main nahi nar, pashu, daity ya dev

Dekh mere hathon ne thaama koi astr
Na hi hai shastr, panje paryaapt
Dekh teri kaaya na bheetar hai leti
Dekh teri kaaya na leti baahar

Kawach ko cheera laga ke dahaad
Panjo se faada adharmi ka maans
Cheekon ki peeda ka goonja ninaad
Lahu se bheegi wo aantein baahar

Daya ke bina hai daya Nidhaan
Cheere nirdayata se paapi ka maans
Aanton ke tukdon se saji hai bhoo
Lahu se kiya hai laga ho snaan

Panjo pe fasi hai aantein bejaan
Jaangho pe rakha hai kata haivaan
Hari ke chehre pe rehta tha dhairy
Chehre pe ab chand oofaan

Narsimha leela ye deti vachan
Banega dhaal Hari bhajan
Bhakto pe jab hi hota hai zulm
Shaant Hari bhi hote prachand

[Hook]
Ab Hari bane prachand
Ab Hari bane prachand
Ab Hari bane prachand
Ab Hari bane prachand

Om Namo Bhagwate Vasudevaya❤