| Song | Ganesha Pancharatnam |
| Artist | Shreya Ghoshal |
| Album | Ganesha Pancharatnam [single] |
| Written by | Shreya Ghoshal |
| Produced by | Sameer Mhatre |
Ganesha Pancharatnam Shreya Ghoshal Lyrics
मुदाकरात्त मोदकं सदा विमुक्ति साधकम्
कलाधरावतंसकं विलासिलोक रक्षकम्
अनायकैक नायकं विनाशितेभ दैत्यकम्
नताशुभाशु नाशकं नमामि तं विनायकम्
नतेतराति भीकरं नवोदितार्क भास्वरम्
नमत्सुरारि निर्जरं नताधिकापदुद्ढरम्
सुरेश्वरं निधीश्वरं गजेश्वरं गणेश्वरम्
महेश्वरं तमाश्रये परात्परं निरंतरम्
समस्त लोक शंकरं निरस्त दैत्य कुंजरम्
दरेतरोदरं वरं वरेभ वक्त्रमक्षरम्
कृपाकरं क्षमाकरं मुदाकरं यशस्करम्
मनस्करं नमस्कृतां नमस्करोमि भास्वरम्
अकिंचनार्ति मार्जनं चिरंतनोक्ति भाजनम्
पुरारि पूर्व नंदनं सुरारि गर्व चर्वणम्
प्रपंच नाश भीषणं धनंजयादि भूषणम्
कपोल दानवारणं भजे पुराण वारणम्
नितांत कांति दंत कांति मंत कांति कात्मजम्
अचिंत्य रूपमंत हीन मंतराय कृंतनम्
हृदंतरे निरंतरं वसंतमेव योगिनाम्
तमेकदंतमेव तं विचिंतयामि संततम्
महागणेश पंचरत्नमादरेण योऽन्वहम्
प्रजल्पति प्रभातके हृदि स्मरन् गणेश्वरम्
अरोगतामदोषतां सुसाहितीं सुपुत्रताम्
समाहितायु रष्टभूति मभ्युपैति सोऽचिरात्
